Poet
dikhata kya hai ye TuuTi hui kaman mujhe
tira shikar huun achchhi tarah se jaan mujhe
hava ne ret ki surat zamin pe likh di hai
dikha.i deti hai patthar ki dastan mujhe
ik asman ne zamin par gira diya lekin
zamin ne phir se bana Daala asman mujhe
main is hava ka nahin paniyon ka qaidi huun
na jaane kyuun liye phirta hai badban mujhe
zamin se sirf jazira dikha.i deta hai
koi na jaan saka aaj tak chaTan mujhe
na jaane tiir ki manind kaise chubhne laga
vo shaḳhs lagta tha TuuTi hui kaman mujhe
Leave a Reply