Dikhai Dete Hain Dhund Mein Jaise Sae Koi

dikhai dete hain dhund men jaise saae koi

magar bulane se vaqt laute na aae koi

mire mohalle ka asman suuna ho gaya hai

bulandiyon pe ab aa ke peche ladae koi

vo zard patte jo ped se tuut kar gire the

kahan gae bahte paniyon men bulae koi

zaiif bargad ke haath men raasha aa gaya hai

jataen ankhon pe gir rahi hain uthae koi

mazar pe khol kar gireban duaen mangen

jo aae ab ke to laut kar phir na jaae koi

Leave a Comment