dikha.i dengi sabhi mumkinat kaghaz par
zara utaar to luun sab jihat kaghaz par
mari kahani bahut der se ruki hui hai
vo kho gaya hai kahin rakh ke haath kaghaz par
hamari taaza ghazal men bhi aks hai us ka
vo ek ashk jo Tapka tha raat kaghaz par
men thak chuka huun faqat ra.eganiyan likhte
unDel duun na kahin ab davat kaghaz par
kise ḳhabar ki ye raddi men bech di jaa.e
bana raha huun main jo ka.enat kaghaz par
main likh raha tha tiri ḳhvab-gah ki yaden
ki so gaya tha vahin rakh ke haath kaghaz par
Leave a Reply