dhuup men saaya bane tanha khaḌe hote hain
baḌe logon ke ḳhasare bhi baḌe hote hain
ek hi vaqt men pyase bhi hain sairab bhi hain
ham jo sahraon ki miTTi ke ghaḌe hote hain
aankh khulte hi jabin chumne aa jaate hain
ham agar ḳhvab men bhi tum se laḌe hote hain
ye jo rahte hain bahut mauj men shab bhar ham log
sub.h hote hi kinare pe paḌe hote hain
hijr divar ka azar to hai hi lekin
is ke uupar bhi ka.i kanch jaḌe hote hain
Leave a Reply