Abrar Azmi
dhuup chamki raat ki tasvir piili ho gai
din gaya aur sard tariki nukili ho gai
jaane kis ki justuju men is qadar ghuma kiye
ham javan mardon ki har poshak dhili ho gai
mai-kada se ghar ki janib khud-ba-khud kyuun aa gae
sard kamre ki faza kya phir nashili ho gai
ham sarabon ke safar ke is qadar aadi hue
jal-bhari nadiyon ki lazzat bhi kasili ho gai
khushnuma divar-o-dar ke khvab hi dekha kiye
jism sahra zehn viran aankh giili ho gai
Leave a Reply