dhundte ho jise dafinon men
vahi vahshi hai sab ke sinon men
mere qabil ki rivayat hain
purze jitne bhi hain mashinon men
sub.h-dam phir se baanT di kis ne
tirgi shahr ke makinon men
bhuuk boi gai hai ab ke baras
daant ug aae hain zaminon men
zindagi gaanv ki hasin laḌki
ghir gai hai tamash-binon men
kis musafir ki baat karte ho
ab to tufan hain safinon men
kis mashaqqat ke saans leta huun
ye ghazal bhi hui mahinon men