ahmad-zafar

Derina Khwahishon Se Sajaya Gaya Mujhe

derina khvahishon se sajaya gaya mujhe

maqtal men kis fareb se laaya gaya mujhe

bar-e-samar se shakh-e-shajar jhuk gai to kya

main be-samar tha phir bhi jhukaya gaya mujhe

sayyara-e-zamin hai kahan sochta huun main

patal men falak se giraya gaya mujhe

main naqsh-e-hijr-e-yar huun shab ki fasil par

jalta hua charagh banaya gaya mujhe

laae hain reza reza kisi aaine ke paas

mera hi jism jaise dikhaya gaya mujhe

patthar men jab gulab mahakte dikha diye

ye moajiza nahin hai bataya gaya mujhe

chashmon ke paas ho ke bhi pyasa huun main ‘zafar’

reg-e-ravan ka raqs dikhaya gaya mujhe

More Poems

Leave a Comment