Poet
dekhta kuchh huun dhyan men kuchh hai
hai yaqin kuchh guman men kuchh hai
sanam apne ko ham ḳhuda jo kahen
kab qusur us ki shaan men kuchh hai
kuchh na dekha kisi makan men ham
kahte hain la-makan men kuchh hai
tishna-e-ḳhun hain la.al-e-lab tere
surḳhi-e-rang-e-pan men kuchh hai
tere didar ki havas ke siva
dekh to meri jaan men kuchh hai
tu jo talvar khinche hai mujh par
zaḳhm bhi darmiyan men kuchh hai
dekh to ab jafa-kashi ki taab
mujh dil-e-na-tavan men kuchh hai
dekh kar mujh ko naza.a men tu ne
na kaha is javan men kuchh hai
ham ko paTka zamin ke uupar
gardish-e-asman men kuchh hai
fa.eda tujh ko ai za-ḳhud ghafil
fikr-e-sud-o-ziyan men kuchh hai
ye zamana ‘muhib’ ba-qaul ‘dard’
aan men kuchh hai aan men kuchh hai
Leave a Reply