Mohammad Sharfuddin Sahil
dekhiye andaz us ki shoḳhi-e-tahrir ka
pairahan hi ḳhaak hai har paikar-e-tasvir ka
zarb se us ki larazta hai dil-e-sang-e-jabal
tesha-e-azm-o-yaqin zamin hai ju-e-shir ka
ai adu tu kamrani par abhi shadan na ho
sina-e-shamshir men baaqi hai dam shamshir ka
shahr ka manzar vabal-e-jan hai mere vaste
ban gaya vaj.h-e-sukun halqa miri zanjir ka
sar-phiri andhi ki zad par jab bhi karta huun safar
ruḳh badal deta hai mera azm ḳhud taqdir ka
Leave a Reply