Dekhi Dil De Ke Qadr-Dani

dekhi dil de ke qadr-dani

bas banda-navaz mehrbani

honi hai baz-purs-e-amal

kahni hai bahut badi kahani

shoale uthte hain ustukhvan se

allah re sozish-nihani

suuna hai gosha lahad men

haan haan vo raat bhi hai aani

o vaada-khilaf salha-sal

ankhon ne ki hai pasbani

aai piiri payam-e-rukhsat

badhti jaati hai na-tavani

mastana-sari ‘nasim’ kab tak

akhir akhir hai naujavani

Leave a Comment