Tariq Qamar
dekhen kitne chahne vaale niklenge
ab ke ham bhi bhes badal ke niklenge
chahe jitna shahd pila do shaḳhon ko
niim ke patte phir bhi kaḌve niklenge
pair ke chhale puchh rahe hain rahbar se
ik raste se kitne raste niklenge
is lahje se baat nahin ban pa.egi
talvaron se kaise kanTe niklenge
taḳht chhinega darbanon ki sazish se
aur luTere taaj pahan ke niklenge
ik a.ina kitni shaklen dekhega
makkari ke kitne chehre niklenge
gird-o-pesh ko thoḌa raushan hone do
meri ghaat men mere saa.e niklenge
‘tariq’ teri qismat men hi pyaar nahin
is bairi ke bair bhi khaTTe niklenge
Leave a Reply