dayar-e-fikr-o-hunar ko nikharne vaala
kahan gaya miri duniya sanvarne vaala
phir us ke baad kabhi laut kar nahin aaya
vafa ke rang nazar men utarne vaala
mujhe yaqin hai ki khushbu ka ham-safar hoga
gulab husn-e-mohabbat ke varne vaala
hamari diid ko raqs-e-sharar chhod gaya
judaiyon ki shab-e-gham guzarne vaala
abhi talak hai sada paniyon pe thahri hui
agarche duub chuka hai pukarne vaala
Leave a Reply