Sewak Nayyar
dastan hai hasin shararon ki
zindagi aag hai chanaron ki
shab-e-gham ke ghane andheron men
kho ga.i raushni sitaron ki
main ḳhizan ko laga chuka huun gale
ab zarurat nahin baharon ki
aap ki meri dosti yuun hai
jaise lahron se ho kinaron ki
be-saharo yunhi jiye jaao
laaj rah ja.egi saharon ki
un ke gham men guzar ga.i ‘nayyar’
zindagi ham jigar-figaron ki
Leave a Reply