Poet
husn se rasm-o-rah hone do
zindagi ko tabah hone do
us ki rahmat ki raah hone do
fard-e-isyan siyah hone do
manzil-e-husn ḳhud qadam legi
ishq ko rad-ba-rah hone do
us ki rahmat ka aasra hai mujhe
mujh se sarzad gunah hone do
charḳh par bijliyan si taḌpengi
un ko garm nigah hone do
mera zimma agar dava na bane
dard ko be-panah hone do
fitrat-e-ishq hai yahi ‘jauhar’
din-o-duniya tabah hone do
Leave a Reply