jigar-moradabadi

Dastan-E-Gham-E-Dil Un Ko Sunai Na Gai

dastan-e-gham-e-dil un ko sunai na gai

baat bigdi thi kuchh aisi ki banai na gai

sab ko ham bhuul gae josh-e-junun men lekin

ik tiri yaad thi aisi jo bhulai na gai

ishq par kuchh na chala dida-e-tar ka qaabu

us ne jo aag laga di vo bujhai na gai

pad gaya husn-e-rukh-e-yar ka partav jis par

khaak men mil ke bhi is dil ki safai na gai

kya uthaegi saba khaak miri us dar se

ye qayamat to khud un se bhi uthai na gai

More Poems

Leave a Comment