dasht men qais nahin koh pe farhad nahin
hai vahi ishq ki duniya magar abad nahin
DhunDhne ko tujhe o mere na milne vaale
vo chala hai jise apna bhi pata yaad nahin
ruh-e-bulbul ne ḳhizan ban ke ujaḌa gulshan
phuul kahte rahe ham phuul hain sayyad nahin
husn se chuuk hui is ki hai tariḳh gavah
ishq se bhuul hui hai ye mujhe yaad nahin
barbat-e-mah pe mizrab-e-fughan rakh di thi
main ne ik naghma sunaya tha tumhen yaad nahin
laao ik sajda karun alam-e-madhoshi men
log kahte hain ki ‘saghar’ ko ḳhuda yaad nahin
Leave a Reply