dasht men dhuup ki bhi kami hai kahan
paanv shal hain magar bebasi hai kahan
lams-e-dasht-e-bala ki hi saughat hai
mire atraf men be-hisi hai kahan
ḳhaak men ḳhaak huun be-makan be-nishan
mera malbus tan khusravi hai kahan
mera soz-e-darun ma.il-e-lutf ho
mujh men shoa.la-fishan vo nami hai kahan
phunk de baḌh ke jo tirgi ka badan
meri ankhon men vo raushni hai kahan
saut-o-harf-e-tamanna se ho ba-ḳhabar
aisi idrak men naghmagi hai kahan
Leave a Reply