Nusrat Mehdi
mujh ko to mashq-e-sama.at hai chalo tum bolo
tum ko sunna miri aadat hai chalo tum bolo
main ne ḳhamoshi ko asan kiya hai ḳhud par
meri barson ki riyazat hai chalo tum bolo
tum se abad hai baton ki tilismi duniya
ye tumhari bhi zarurat hai chalo tum bolo
hama-tan-gosh zamana hai abhi mauqa hai
tum ko hasil ye suhulat hai chalo tum bolo
hukm goya.i ka jab tak na mile ‘nusrat’ ko
tab talak tum ko ijazat hai chalo tum bolo
Leave a Reply