Jawed Manzar
dasht-e-junun men abla-pa le gaya mujhe
meri mohabbaton ka sila le gaya mujhe
viran is nazar ne kiya mujh ko aur phir
tanha.iyon ka dasht baha le gaya mujhe
yaan bhi vahi zamin vahi asman mila
main sochta raha ki vo kya le gaya mujhe
ik baar bhi vo mujh se muḳhatab nahin hua
us ke qarib ye hi gila le gaya mujhe
vo kya mila na dhyan raha badban ka
girdab men safina mira le gaya mujhe
gar vo nazar-shanas nahin tha to kis tarah
dekha unhen unhi ko suna le gaya mujhe
kashti bhanvar men un ki nigahon men bebasi
‘manzar’ yahi to ab ke uTha le gaya mujhe
Leave a Reply