Tanweer Gauhar
dariya men tughyani hai
basti basti paani hai
aah ki jangal hain abad
shahron men virani hai
mushkil se ab kya Darna
is men hi asani hai
duniya ki kya chaah karen
duniya ani-jani hai
us ko to pachhtana hai
jis ne dil ki maani hai
main bhi man ka raaja huun
vo bhi dil ki raani hai
ai dil us ko bhuul bhi ja
ye kaisi man-mani hai
maut se ‘gauhar’ Darna kya
maut to ik din aani hai
Leave a Reply