bahut kuchh bhuul ho gai bhulne ka ‘shad’ sun aaya
miri jaan gham abas hai jhidkiyan sunne ka din aaya
zarur us ne kiya qasid se vaada apne aane ka
gaya tha muztarib yaan se vahan se mutmain aaya
dil-e-sad-para se nisbat nahin zinhar ai bulbul
chaman men ja ke ashiq patiyan phulon ki gin aaya
badi azmat se khud saaqi ne ja kar peshvai ki
sharabi koi mai-khana ke andar jab musin aaya
chalo vaaiz se hargiz kuchh na bolo chup raho rindo
hua josh-e-ghazab ya sar pe us nadan ke jin aaya
mariz-e-gham ki sehat ki khabar allah sunvae
gaya jo paas us ke ‘shad’ vo phir mutmain aaya