Azhar Faragh
Dare hue hain sabhi log abr chhane se
vo aa.i baam pe kya dhuup ke bahane se
vo qissa-go to bahut jald-baz aadmi tha
bahut si lakḌiyan ham rah ga.e jalane se
nazar to Daal ravani ki istaqamat par
ye abshar hai kohsar ke gharane se
mosafiran-e-mohabbat mujhe muaaf karen
main baaz aaya unhen rasta dikhane se
agar main aḳhiri baazi na khelta ‘az.har’
to ḳhali haath na aata qimar-ḳhane se
Leave a Reply