asrarul-haq-majaz

Dard Ki Daulat-E-Bedar Ata Ho Saqi

dard ki daulat-e-bedar ata ho saaqi

ham bahi-khvah sabhi ke hain bhala ho saaqi

sakht-jan hi nahin ham khud-sar-o-khuddar bhi hain

navak-e-naz khata hai to khata ho saaqi

sai-e-tadbir men muzmar hai ik ah-e-jan-soz

us ka inaam saza ho ki jaza ho saaqi

sina-e-shauq men vo zakhm ki lau de utthe

aur bhi tez zamane ki hava ho saaqi

More Poems

Leave a Comment