Hazin Ludhianvi
dard ke siip men paida hui bedari si
raat ki raakh men sulgi koi chingari si
dekhiye shahr men kab bad-e-yaqin chalti hai
ku-ba-ku phaili hai auham ki bimari si
maut ka vaar to men sah gaya hanste hanste
zindagi tu hi koi choT laga kaari si
kya se kya ho ga.i mahaul ki lau men jal kar
vo jo laḌki nazar aati thi bahut pyari si
jitne muflis hain vo ek roz tavangar honge
ek afvah suni hai magar aḳhbari si
Leave a Reply