poet

Kab Baithte Hain Chain Se Iza Uthae Bin

kab baithte hain chain se iiza uthae bin

lagta nahin hai ji kahin lagga lagae bin

jab tak na be-qarar hon padta nahin qarar

aata nahin hai chain hamen tilmilae bin

be-ah-o-nala munh se nikalti nahin hai baat

hairan baithe rahte hain aansu bahae bin

zindan lage hai ghar jo kisi ka na hon asiir

aate nahin ba-khud kahin ham aae jaae bin

divane gar na hon to pari-ru na dekhen sair

bigde hai baat hal-e-pareshan banae bin

jumbish na dast-o-pa men ho be-shorish-e-junun

afsurda-taba rahte hain dhumen machae bin

gar ho na dard-e-ishq to be-dard ham kahaen

kuchh lutf-e-guftugu hi nahin hae-vae bin

kya josh-e-taba ho na mai-e-ishq gar piyen

kuchh kaifiyat nahin hai ye pyala pilae bin

gar bar men ho na koi to pahlu-tahi rahe

kya baithna hai zaanu se zaanu bhidae bin

koi na de dikhai to kya khaak dekhiye

rahte asir-e-gham hain kisi ke bulae bin

afkar saikdon hon agar ho na fikr-e-ishq

varastagi kahan hai kahen ji phansae bin

qatil se gar na miliye to ‘jurat’ hamari kya

juun gul shagufta ho na koi zakhm khaae bin

More Poems

Leave a Comment