dard juun shama mile hai shab-e-hijran mujh ko
kha gae ro-ro mire dida-e-giryan mujh ko
nau-bahar aai mubarak hue juun ghuncha-o-gul
khatir-jama tujhe hal-e-pareshan mujh ko
gar dam-e-subh shahidan-e-chaman sair karo
tegh-e-qatil hai dam-e-minnat-e-ehsan mujh ko
juun baghola hai mujhe khajlat-e-isyan dam-e-fakhr
bal-e-parvaz hue dast-e-pasheman mujh ko
aftab-e-dil-e-raushan diya sauda ne mujhe
subh-e-hadi hua ye chaak gareban mujh ko
dhun men is chashm ki rouun jahan nargis aage
sajda karte hain bayaban men ghazalan mujh ko
musht-e-vahdat ho baghole sa karun apna tavaf
gardish-e-sar hua jam-e-mai-e-irfan mujh ko
dekh kar gaal tire zulf ke halqe se hui
matla-e-subh-e-vatan sham-e-ghariban mujh ko
puchha qumri se kisi ne tira hazir hai sarv
bol kyuun karti hai kuuku ki to afghan mujh ko
tab kahi sarv dhundun huun main vafadari men
tan men rakhta hai vafa aa ke jila jaan mujh ko
zaagh ko sar pe bithate hain main jal kar hui raakh
dozakh is rashk se hai khuld gulistan mujh ko
jaam de saaqi nau ‘uzlat’ ko ki jaati hai bahar
rove hai fasl-e-gul-o-abr-e-baharan mujh ko
Leave a Reply