Syed Ghafir Rizvi Falak Chhaulsi
dard-e-dil ki dava kare koi
mere haq men dua kare koi
suraḳh-ru is tarah bhi hote hain
ḳhun-e-dil ko hina kare koi
sabr ye hai ki uf na ho lab par
laakh jaur-o-jafa kare koi
majma-e-am men akela huun
dard mera suna kare koi
roz-e-raushan bane shab-e-hijran
chaak band-e-qaba kare koi
jo hai shaitan rahega shaitan hi
qudsiyon men raha kare koi
azmaton ka ‘falak muqaddar ho
sidq-e-dil se jhuka kare koi
Leave a Reply