Daar se us ki na ‘irfan’ juda kar us ko
khol ye band-e-vafa aur riha kar us ko
nazar aane lage apne hi ḳhad-o-ḳhal-e-zaval
aur dekha karo a.ina bana kar us ko
aḳhir-e-shab hui aghaz kahani apni
ham ne paaya bhi to ik umr ganva kar us ko
dekhte hain to lahu jaise ragen toḌta hai
ham to mar ja.enge siine se laga kar us ko
tere virane men hona tha ujala na hua
kya mila ai dil-e-saffak jala kar us ko
aur ham DhunDte rah ja.enge ḳhushbu ka suragh
abhi le ja.egi ik mauj uḌa kar us ko
Leave a Reply