maana ki lab-e-zaḳhm duha.i nahin deta
mahram bhi to vo dast-e-hina.i hain deta
ye jashn hai kaise ki mubarak na salamat
aapas main koi shaḳhs badha.i nahin deta
kahte nahin sirf us ko faqat ranj-o-ta.ab hai
kuchh lutf ye be-abla-pa.i nahin deta
naqqad ki fan-kar ka mohtat ravayya
gunja.ish-e-angusht-numai nahin deta
aa jaao ki ab bhiig chalin raat ki palken
vo shaḳhs to aata bhi dikha.i nahin deta
imkan ki had meri ho kar leta huun islah
main apni ḳhataon ki safa.i nahin deta
lafzon men rag-asar ka ḳhuun aa to gaya hai
lekin ye abhi saaf dikha.i nahin deta
ai ‘taj’ rifaqat na sahi dukh hai to ye hai
insaf bhi ik bhaa.i ko bhaa.i nahin deta
Leave a Reply