Poet
Dar raha huun ki Dar ki baat bhi hai
be-ruḳhi vaj.h-e-iltifat bhi hai
dosti in dinon ḳhulus ke saath
vaj.h-e-tark-e-ta.alluqat bhi hai
tera gham hasil-e-ḳhushi hi nahin
tera gham hasil-e-hayat bhi hai
har-nafas ik tasavvur-e-gham-e-nau
koi hadd-e-tasavvurat bhi hai
hans ke puchha kali se ik gul ne
muskurane ki koi baat bhi hai
doston se gurez ‘nashtar’ ka
saneha bhi hai vardat bhi hai
Leave a Reply