Chandni Har Shab Ko Karti Hai Kinara Chandni

Pandit Daya Shankar Naseem Lakhnavi

chandni har shab ko karti hai kinara chandni

tere ḳhatir munh ko dikhlati hai taara chandni

aaj mahtabi pe chaḌhta hai vo bahr-e-sair-e-mah

janta huun kuchh tira chamka sitara chandni

be-zarurat ḳhush nahin aati jahan men koi chiiz

fasl-e-sarma men nahin hoti gavara chandni

tu chaḌha shab ko jo mahtabi pe bahr-e-chashm-e-bad

asman se utre karne ko utara chandni

vasl ki shab ka sama ankhon men chhaya hai mire

mah-ru dekhe na phir vaise dobara chandni

rote rote Dubta hai jab shab-e-furqat men dil

janta huun saaf dariya ka kinara chandni