dar-o-divar bhi dete hain havala mera
kaise mumkin hua is shahr men charcha mera
tum agar jaan ga.e ho to labon ko si lo
yahi ḳhamosh-mohabbat hai asasa mera
ḳhauf aata hai tujhe dasht ki virani se
ai saba tu ne abhi ghar nahin dekha mera
din nikalte hi chala aa.ega vo paas mire
raat se milne gaya hai abhi saaya mera
koi taqat hai kahin jo nahin hone deti
TuTta rahta hai har roz irada mera
Leave a Reply