daman-e-dil se gard-e-taalluq ko jhadiye
juun sarv paanv bagh-e-tajarrud men gadiye
mumkin nahin ki dekhiye ru-e-shaguftagi
jab tak ba-rang-e-ghuncha gareban na phadiye
jo kuchh ki haath aae uda dijiye use
qarun ki tarah maal zamin men na gadiye
basti men dil ki hirs-o-hava ka qayam hai
taufiq ho rafiq to is ko ujadiye
‘joshish’ koi hazar kare yaan mukhalifat
apni taraf se to na kisi se bigadiye
Leave a Reply