daman-e-dil pe nahin barish-e-ilham abhi
ishq na-pukhta abhi jazb-e-darun khaam abhi
khud hi jhukta huun ki daava-e-junun kya kijiye
kuchh gavara bhi hai ye qaid-e-dar-o-bam abhi
ye javani to abhi mail-e-paikar nahin
ye javani to hai rusva-e-mai-o-jam abhi
vaaiz o shaikh ne sar jod ke badnam kiya
varna badnam na hoti mai-e-gulfam abhi
main ba-sad-fakhriya zuhhad se kahta huun ‘majaz’
mujh ko hasil, sharf-e-baiat-e-khayyam abhi
Leave a Reply