dam ghanimat hai ki vaqt-e-khush-dili milta nahin
ye saman ye chain duniya men kabhi milta nahin
dekhiyo nafrat ki mera naam gar leve koi
ru-ba-ru us ke, to phir vo us se bhi milta nahin
kya karun na-sazi-e-talea ka main shikva ki aah
jis ko ji chahe hai mera us ka ji milta nahin
kho ke mujh ko haath se sunte ho pachhtaoge tum
maano kahna bhi ki mujh sa aadmi milta nahin
kis taraf jaata raha kya jaane vo vahshi-mizaj
DhunDte phirte hain ham aur ‘mushafi’ milta nahin