bhuul jaane ko hai jahan saara
yaad rakhne ko ik ḳhuda hai bahut
hai jo pesh-e-nazar pare us se
manzar ik aur dilruba hai bahut
gunjti ahaTen nahin thamtin
mere andar koi raha hai bahut
gumrahi se hai apni na-vaqif
raston ko vo janta hai bahut
meri divangi jala.e charagh
raushni gum hai aur hava hai bahut
ye azabon ka silsila kaisa
zindagi hi to ik saza hai bahut
Leave a Reply