dair-o-kaaba ko rahguzar samjhe
dil ko jo koi tera ghar samjhe
ashk-e-khunin bahe to ham dil ko
hadaf-e-navak-e-nazar samjhe
nala-e-ghair atish-afshan hai
shab-e-vaslat ki tum sahar samjhe
na utha apne astan se hamen
ham to baithe hain apna ghar samjhe
naama de kar nazara hai manzur
ham taqaza-e-nama-bar samjhe
ghair se puchhte hain kucha-e-yar
aise rahzan ko rahbar samjhe
vo sitam karne aae hain ijad
aur ham aah ka asar samjhe
sarf karna hai unsur-e-abi
ham tira girya chashm-e-tar samjhe
us se kya muddaa kahun ‘salik’
sulh ki baat ko jo shar samjhe
Leave a Reply