Saleem Figar
da.imi hijraton ke beTe hain
raste jo gharon se nikle hain
ye zamin mar rahi hai andar se
titliyan phuul peḌ rote hain
baiTh kar sochte hain zillat men
ham vahi asman vaale hain
mauj-dar-mauj ḳhuun uchhlega
in hi dariyaon se jo ujle hain
baT rahe hain ta.aam har janib
phir bhi ham log kitne bhuke hain
tum ko malum hi nahin ham par
roz-o-shab jo azaab utre hain
har zamane men mere jaise ‘figar’
sirf do-char log hote hain
Leave a Reply