Poet
dahr men ik tire siva kya hai
tu nahin hai to phir bhala kya hai
sila-e-zauq mai-kashi ma.alum
zarf kya shai hai hausla kya hai
hashiye apne matn hai un ka
mohtasib phir saza jaza kya hai
puchhta huun har ek saa.e se
chandni ka ata-pata kya hai
un ko hai da.ava-e-asiha.i
jo nahin jante shifa kya hai
kis liye gardish-e-mudam men hain
asmanon ko ye hua kya hai
le uḌegi buland-parvazi
dosto saya-e-huma kya hai
itni ifrat aisi mahrumi
dene vaale mo.amla kya hai
sail-e-sham-o-sahar men bahte hain
kya ḳhabar ziist kya qaza kya hai
ham hi chup ho ga.e ‘tamanna.i’
de raha hai koi sada kya hai
Leave a Reply