neelma-sarwar

Chor

mere tan par bhuuk ugi thi

meri ankhen nangi thi

aur mere angan men har-ja

ghurbat bhuuk aur mahrumi ke

phuul uge the

mere kante hathon ne

un phulon ko todna chaha

aur ham-sae ke ghar se

jis ke ghar men

sone chandi aur paison ki

divaren thiin

apne ne kuchh khushiyan chun liin

chor chor chor chor

kuchh avazen

phir zanjiren

phir mere hi ghar ki manind

badbu-dar andhera kamra

jis ke bahar

mujh jaise be-chehra log

mere liye pahre pe khade the

More Poems

Leave a Comment