mubarak-azimabadi

Chitwan Jo Qahr Ki Hai To Tewar Jalal Ke

chitvan jo qahr ki hai to tevar jalal ke

matlab ye hai ki rakh de kaleja nikal ke

vaaiz se bahs-e-bada-o-paimana kya karun

kuchh log rah gae hain purane khayal ke

sau daagh jin ke laae hain zer-e-mazar ham

ehsan jata rahe hain vo do phuul Daal ke

phir DhunDhta hai dil khalish-e-khar-e-arzu

pachhta raha huun dil se ye kanta nikal ke

ye gham-kada hai is men ‘mubarak’ khushi kahan

gham ko khushi bana koi pahlu nikal ke

More Poems

Leave a Comment