Poet
chhupe hue hain sar-e-rah sau ḳhatar ḳhamosh
chale chalo mere yaran-e-ham-safar ḳhamosh
faza-e-qarya tilism-e-sukut men gum-sum
siyah raat ke daman men bam-o-dar ḳhamosh
hamare baa’d agar rustaḳhez ho bhi to kya
bisat-e-vaqt se ham to ga.e guzar ḳhamosh
ba-in navazish-e-mausam shaguft-e-gul pe na ja
zaban-e-hal se goya ba-chashm-e-tar ḳhamosh
jo arsh-e-jah sitara-shikar the un ko
falak ki aankh ne dekha faganda-sar ḳhamosh
har ek daur men gunji hai zarbat-e-farhad
kabhi bhi rah na sake sahab-e-hunar ḳhamosh
zaban-daraz ‘ziya.i’ ko rokiye sahab
ye maslahat ka taqaza hai al-hazar ḳhamosh
Leave a Reply