chhupa hai karb-e-musalsal hava ke lahje men
koi to phuul khila.e dua ke lahje men
main us ki qadr karunga jo mere aibon ko
mire hi munh pe kahe ashna ke lahje men
zamana aaj bhi qasir hai ye samajhne se
safar ki baat hui kyuun hava ke lahje men
hamare dard ka andaza us ko kya hoga
ki ashk hote nahin hain vafa ke lahje men
hai e’tiraf ki akasr ulajh paḌe jis se
vo mehrban hua hai dua ke lahje men
miri nazar men raha hai jo mohtaram ‘anjum’
vahi hai mujh se muḳhatab saza ke lahje men
Leave a Reply