Sewak Nayyar
chhu kar kisi ki zulf-e-muattar machal ga.e
jhonke ḳhunuk havaon ki ḳhushbu men Dhal ga.e
kis se karen umid-e-vafa is jahan men
is dil ko jin pe naaz tha vo bhi badal ga.e
jis vaqt ham ne jhuum kar azm-e-safar
lakhon charagh rah-e-mohabbat men jal ga.e
ai dost ham ne ishq-o-mohabbat ki raah men
Thokar to saḳht khaa.i thi lekin sambhal ga.e
‘nayyar’ hamare dil men the arman jis qadar
alam-e-rozgar ke sanche men Dhal ga.e
Leave a Reply