Fuzail Jafri
chhu bhi to nahin sakte ham mauj-e-saba ban kar
lalcha.i nigahon se takte hain gulabon ko
sau dukh hamen deti hai haan tishna-labi lekin
paani to nahin samjhe ham log sarabon ko
afsanon ki duniya men sab jhuuT nahin hota
dil aur bhi uljhega paḌhiye na kitabon ko
sach hai dil-e-divana ḳhvabon se bahalta hai
har raat magar kaise bahla.iye ḳhvabon ko
Leave a Reply