etibar-sajid

Chhote Chhote Se Mafadat Liye Phirte Hain

chhote chhote se mafadat liye phirte hain

dar-ba-dar khud ko jo din raat liye phirte hain

apni majruh anaon ko dilase de kar

haath men kasa-e-khairat liye phirte hain

shahr men ham ne suna hai ki tire shola-nava

kuchh sulagte hue naghmat liye phirte hain

mukhtalif apni kahani hai zamane bhar se

munfarid ham gham-e-halat liye phirte hain

ek ham hain ki gham-e-dahr se fursat hi nahin

ek vo hain ki gham-e-zat liye phirte hain

More Poems

Leave a Comment