Aqeel Abbas
chhoḌiye aap ka is baat se kya lena hai
ik barahman ko musavat se kya lena hai
ḳhaak ko ḳhaak ka paivand lagega aur bas
ham ko is arz-o-samavat se kya lena hai
aap to soch ke aa.e the yahan kya hoga
aap ko yuun bhi mazafat se kya lena hai
aag ki surḳh lipaT ne mujhe pagal rakkha
ḳhuun ki lahr ko is ghaat se kya lena hai
zaḳhm par haath rakhen aur ravana ho len
is andhere men munajat se kya lena hai
Leave a Reply