Chhod De Mar Lat Duniya Ko

chhod de maar laat duniya ko

kuchh nahin hai sabat duniya ko

haath aai hai jis ko daulat-e-faqr

un ne maari hai laat duniya ko

zal-e-duniya hi sa hai vo bad-zat

jo kahe nek-zat duniya ko

dam-e-ulfat men sab ko khinche hai

aa gai hai ye ghaat duniya ko

pusht-e-pa maare masnad-e-jam par

jo lagae na haath duniya ko

tu jo marta hai us par ai ‘joshish’

le gaya koi saath duniya ko

Leave a Comment