Dil Munafiq Tha Shab-E-Hijr Mein Soya Kaisa

dil munafiq tha shab-e-hijr men soya kaisa

aur jab tujh se mila tuut ke roya kaisa

zindagi men bhi ghazal hi ka qarina rakkha

khvab-dar-khvab tire gham ko piroya kaisa

ab to chehron pe bhi katbon ka guman hota hai

ankhen pathrai hui hain lab-e-goya kaisa

dekh ab qurb ka mausam bhi na sarsabz lage

hijr hi hijr marasim men samoya kaisa

ek aansu tha ki dariya-e-nadamat tha ‘faraz’

dil se bebak shanavar ko Duboya kaisa

Leave a Comment