chehre shadabi se aari ankhen nuur se ḳhali hain
kis ke aage haath baḌha.un saare haath savali hain
mujh se kis ne ishq kiya hai kaun mira mahbub hua
mere sab afsane jhuTe saare sher ḳhayali hain
chand ka kaam chamakte rahna us zalim se kya kahna
kis ke ghar men chandni chhiTki kis ki raten kaali hain
‘sahba’ us kuche men na jaana shayad patthar ban jaao
dekho us sahir ki galiyan jaadu karne vaali hain
Leave a Reply